November 4, 2025

വർക്കല: ചോര വാർന്ന് റെയിൽവേ ട്രാക്കിലെ മെറ്റലിൽ കമിഴ്ന്നു കിടക്കുകയായിരുന്നു. ചെറിയൊരു ഞരക്കം മാത്രമേ ഉണ്ടായിരുന്നുള്ളൂ. പെട്ടെന്ന് ഇരുകൈകളുംകൊണ്ട് വാരിയെടുത്തു.സഹായത്തിന് ഭർത്താവ് അപ്പുവും ഒപ്പമുണ്ടായിരുന്നു. കെ.കെ. എക്സ് പ്രസിൽ നിന്ന് നരാധമൻ തള്ളിവീഴ്ത്തിയ ശ്രീകുട്ടിയെ കണ്ടെത്തിയ ഷീജയുടെ വാക്കുകൾ. ഷീജയ്ക്കു വന്ന ഒരു ഫോൺ കോളാണ് ജീവൻ രക്ഷിക്കാൻ നിമിത്തമായത്. തൃശൂർ മറ്റത്തൂർ സി.എച്ച്.സിയിലെ ജൂനിയർ പബ്ലിക് ഹെൽത്ത് നഴ്സാണ് അയന്തി പുണർതം വീട്ടിൽ ഷീജ. കേരള എക്സ് പ്രസിൽ ഉണ്ടായിരുന്ന റെയിൽവേ ജീവനക്കാരൻ കൂടിയായ സുഹൃത്താണ് […]

ന്യൂഡൽഹി: രാജ്യത്തെ തെരുവുനായ പ്രശ്‌നത്തിൽ വെള്ളിയാഴ്ച നിർണായക ഉത്തരവിറക്കുമെന്ന് സുപ്രീംകോടതി വ്യക്തമാക്കി. എ.ബി.സി ചട്ടങ്ങൾ (അനിമൽ ബെർത്ത് കൺട്രോൾ റൂൾസ്)​ എത്രത്തോളം കാര്യക്ഷമമായി നടപ്പാക്കിയെന്നതിൽ എല്ലാ സംസ്ഥാനങ്ങളും കേന്ദ്രഭരണപ്രദേശങ്ങളും സത്യവാങ്മൂലം സമർപ്പിച്ചതോടെയാണിത്. സത്യവാങ്മൂലത്തിലെ വിവരങ്ങൾ സംയോജിപ്പിച്ച് നാളെ കൈമാറണമെന്ന് അമിക്കസ് ക്യൂറിയായ അഡ്വ. ഗൗരവ് അഗർവാളിന് കോടതി നിർദ്ദേശം നൽകി. ഇതു പരിശോധിച്ചാകും ഇടക്കാല ഉത്തരവ്. തെലങ്കാനയും പശ്ചിമബംഗാളും മാത്രമാണ് സത്യവാങ്മൂലം സമർപ്പിച്ചിരുന്നത്. ചീഫ് സെക്രട്ടറിമാർ നേരിട്ട് ഹാജരാവാൻ ഉത്തരവിട്ടതോടെ കേരളം അടക്കമുള്ള സംസ്ഥാനങ്ങൾ വിവരങ്ങൾ അതിവേഗം

ന്യൂഡൽഹി: രാജ്യത്ത് ഡിജിറ്രൽ അറസ്റ്റ് തട്ടിപ്പുക്കേസുകളുടെ എണ്ണം ക്രമാതീതമായി വർദ്ധിക്കുന്നതിൽ കടുത്ത ആശങ്കയും ഞെട്ടലും രേഖപ്പെടുത്തിയ സുപ്രീംകോടതി, ഈ ഭീഷണിയെ ഉരുക്കുമുഷ്‌ടി ഉപയോഗിച്ചു നേരിടുമെന്ന് ഉറച്ചസ്വരത്തിൽ പറഞ്ഞു.ഇതിനായി അന്വേഷണ ഏജൻസികൾക്ക് കൂടുതൽ അധികാരങ്ങൾ നൽകുമെന്ന സൂചനയും നൽകി. 3000 കോടിയിൽപ്പരം പൗരന്മാരിൽ നിന്ന് തട്ടിയെടുത്തിരിക്കുന്നു. നിരവധി മുതിർന്ന പൗരന്മാരും തട്ടിപ്പിനിരയായി. കേന്ദ്ര ആഭ്യന്തര മന്ത്രാലയവും സി.ബി.ഐയും മുദ്രവച്ച കവറിൽ സമർപ്പിച്ച റിപ്പോർട്ടുകൾ തുറന്ന കോടതിയിൽ പരിശോധിക്കുകയായിരുന്നു ജസ്റ്റിസുമാരായ സൂര്യകാന്ത്, ഉജ്ജൽ ഭുയാൻ, ജോയ്‌മല്യ ബാഗ്ചി എന്നിവരടങ്ങിയ ബെഞ്ച്.