പി.എം ശ്രീക്ക് പിന്നാലെ ലേബർ കോഡ് വിവാദം

വേണ്ടത്ര കൂടിയാലോചനയില്ലാതെ പി.എം ശ്രീ പദ്ധതിയിൽ ഒപ്പുവച്ചതിന്റെ വിവാദത്തിൽ നിന്ന് ഒരുവിധം കരകയറി വരുന്നതിന് പിന്നാലെ തൊഴിൽ വകുപ്പ് ലേബർ കോഡിന് കരട് ചട്ടം തയ്യാറാക്കിയത് അടുത്ത വിവാദത്തിന് തിരികൊളുത്തി. വിഷയം തണുപ്പിക്കാൻ തൊഴിൽ മന്ത്രി വി. ശിവൻകുട്ടി ഇന്ന് ട്രേഡ് യൂണിയനുകളുടെ ഓൺലൈൻ യോഗം വിളിച്ചിട്ടുണ്ട്.

ഇടതുമുന്നണിയോ തൊഴിലാളി സംഘടനകളോ അറിയാതെ 2021ലാണ് ലേബർ കോഡിന്റെ കരട് തയ്യാറാക്കിയത്. കേന്ദ്ര സർക്കാർ കൊണ്ടുവന്ന ലേബർ കോഡിനെതിരെ തൊഴിലാളി സംഘടനകൾ സമരം ചെയ്യുമ്പോഴാണ് അതിനുവേണ്ടിയുള്ള കരട് സംസ്ഥാനം തയ്യാറാക്കിയിരുന്നു എന്ന വിവരം പുറത്തുവന്നത്. ഇടതുമുന്നണിയിൽ പോലും ആലോചിക്കാതെ കരട് ചട്ടം തയ്യാറാക്കിയെന്നാണ് ആക്ഷേപം.

കരട് ചട്ടങ്ങൾ രഹസ്യമായി തയ്യാറാക്കുകയും ഇത്രനാളും അത് ചർച്ചയ്ക്ക് വരാതിരിക്കുകയും ചെയ്തതിൽ ഇടത് ട്രേഡ് യൂണിയനുകൾക്കടക്കം അമർഷമുണ്ട്. സംസ്ഥാന സർക്കാർ നിലപാടിന് വിരുദ്ധമായി പ്രവർത്തിച്ച ഉദ്യോഗസ്ഥർക്കെതിരെ കടുത്ത നടപടി വേണമെന്ന നിലപാടിലാണ് എ.ഐ.ടി.യു.സിയും ഐ.എൻ.ടി.യു.സിയും.

അതേസമയം, തൊഴിലാളികൾക്ക് അനുകൂലമായിരുന്ന 29 തൊഴിൽ നിയമങ്ങൾ അട്ടിമറിച്ച് സംരംഭകർക്കും മുതലാളിമാർക്കും അനുകൂലമായ രീതിയിൽ കേന്ദ്ര സർക്കാർ പുതിയ കോഡുകൾ ഉണ്ടാക്കിയതിൽ പ്രതിഷേധിച്ച് ബി.എം.എസ് ഒഴികെയുള്ള ട്രേഡ് യൂണിയനുകൾ സമരത്തിലാണ്. പണിമുടക്കും പ്രതിഷേധങ്ങളും ഉൾപ്പെടെയുള്ള അവകാശങ്ങൾ സ്ഥിരമായി തടയുകയാണ് ലക്ഷ്യമെന്ന് ആരോപിച്ചാണിത്.

 ‘നടപ്പാക്കാൻ ഉദ്ദേശ്യമില്ലായിരുന്നു’

ട്രേഡ് യൂണിയനുകളുടെ അഭിപ്രായം കേട്ടശേഷമേ തുടർനടപടികളിലേക്ക് സർക്കാർ കടക്കൂവെന്ന് മന്ത്രി വി. ശിവൻകുട്ടി. കേന്ദ്ര നിർദ്ദേശപ്രകാരം ഉദ്യോഗസ്ഥ തലത്തിൽ കരട് തയ്യാറാക്കുക മാത്രമായിരുന്നു. ഇത് നടപ്പാക്കാൻ ഉദ്ദേശ്യമില്ലാതിരുന്നതിനാലാണ് തൊഴിലാളി സംഘടനകളുടെ യോഗം വിളിച്ച് ചർച്ച നടത്താതിരുന്നതെന്നും മന്ത്രി പറഞ്ഞു.

 യൂ​ണി​യ​നു​ക​ളു​ടെ യോ​ഗം​ ​വി​ളി​ച്ച് ​സ​ർ​ക്കാർ

കേ​ന്ദ്ര​ ​സ​ർ​ക്കാ​ർ​ ​കൊ​ണ്ടു​വ​ന്ന​ ​ലേ​ബ​ർ​ ​കോ​ഡു​ക​ൾ​ ​ഏ​ക​പ​ക്ഷീ​യ​മാ​യി​ ​ന​ട​പ്പാ​ക്കാ​ൻ​ ​കേ​ര​ളം​ ​ത​യ്യാ​റ​ല്ലെ​ന്നും​ ​യൂ​ണി​യ​നു​ക​ളു​മാ​യി​ ​ച​ർ​ച്ച​ ​ന​ട​ത്തു​മെ​ന്നും​ ​മ​ന്ത്രി​ ​വി.​ ​ശി​വ​ൻ​കു​ട്ടി​ ​പ​റ​ഞ്ഞു.​ ​കേ​ന്ദ്ര​ ​ക​ര​ട് ​വി​ജ്ഞാ​പ​ന​ത്തി​ന്റെ​ ​പ​ശ്ചാ​ത്ത​ല​ത്തി​ൽ,​ ​സം​സ്ഥാ​ന​ത്തെ​ ​കേ​ന്ദ്ര​ ​ട്രേ​ഡ് ​യൂ​ണി​യ​ൻ​ ​പ്ര​തി​നി​ധി​ക​ളു​ടെ​ ​അ​ടി​യ​ന്ത​ര​യോ​ഗം​ ​ഇന്ന്​ ​വി​ളി​ച്ചി​ട്ടു​ണ്ട്.​ ​യൂ​ണി​യ​നു​ക​ളു​ടെ​ ​അ​ഭി​പ്രാ​യം​ ​കേ​ട്ട​ശേ​ഷം​ ​തു​ട​ർ​ന​ട​പ​ടി​ക​ളി​ലേ​ക്ക് ​ക​ട​ക്കും.
ഈ​ ​വി​ഷ​യ​ത്തി​ൽ​ ​അ​ടു​ത്ത​മാ​സം​ 19​ന് ​തി​രു​വ​ന​ന്ത​പു​ര​ത്ത് ​’​ദേ​ശീ​യ​ ​ലേ​ബ​ർ​ ​കോ​ൺ​ക്ലേ​വ്”​ ​സം​ഘ​ടി​പ്പി​ക്കും.​ ​പ്ര​മു​ഖ​ ​ട്രേ​ഡ് ​യൂ​ണി​യ​ൻ​ ​നേ​താ​ക്ക​ളെ​യും​ ​നി​യ​മ​ ​വി​ദ​ഗ്ദ്ധ​രെ​യും​ ​ഇ​തി​ൽ​ ​പ​ങ്കെ​ടു​പ്പി​ക്കും.​ ​ബി.​ജെ.​പി​ ​ഇ​ത​ര​ ​സം​സ്ഥാ​ന​ങ്ങ​ളി​ലെ​ ​തൊ​ഴി​ൽ​ ​മ​ന്ത്രി​മാ​രെ​യും​ ​ക്ഷ​ണി​ക്കും.​ ​കേ​ര​ളം​ ​ഒ​ഴി​കെ​ ​ഇ​ന്ത്യ​യി​ലെ​ ​ഭൂ​രി​ഭാ​ഗം​ ​സം​സ്ഥാ​ന​ങ്ങ​ളും​ ​ലേ​ബ​ർ​ ​കോ​ഡു​ക​ൾ​ ​സം​ബ​ന്ധി​ച്ച​ ​ച​ട്ട​ങ്ങ​ൾ​ ​ത​യ്യാ​റാ​ക്കി​ ​കേ​ന്ദ്ര​ത്തി​ന് ​ന​ൽ​കി​യി​ട്ടു​ണ്ടെ​ന്നും​ ​അ​ദ്ദേ​ഹം​ ​പ​റ​ഞ്ഞു.