നിമിഷ പ്രിയയുടെ വധശിക്ഷ മാറ്റി

ന്യൂഡൽഹി/കൊച്ചി: ഇന്ന് നടപ്പാക്കാനിരുന്ന മലയാളി നഴ്സ് നിമിഷ പ്രിയയുടെ വധശിക്ഷ യെമൻ മാറ്റിവച്ചു. കാന്തപുരം എ.പി. അബൂബക്കർ മുസ്ളിയാരുടെയും, വിദേശകാര്യ മന്ത്രാലയം, ഗവർണർ വി.ആർ. ആർലേക്കർ, സേവ് നിമിഷപ്രിയ ഇന്റർനാഷണൽ ആക്ഷൻ കൗൺസിൽ എന്നിവയുടെ ഇടപെടലിനെ തുടർന്നാണ് നടപടി. ആക്ഷൻ കൗൺസിലാണ് വധശിക്ഷ മാറ്റിവച്ചവിവരം ഇന്നലെ ഉച്ചകഴിഞ്ഞറിയിച്ചത്. വിദേശകാര്യ മന്ത്രാലയവും കാന്തപുരം എ.പി. അബൂബക്കർ മുസ്ളിയാരും ഇത് സ്ഥിരീകരിച്ചു.

കൊല്ലപ്പെട്ട യമൻ പൗരൻ തലാൽ അബ്ദുമഹ്ദിയുടെ കുടുംബത്തിന് ദയാധനം നൽകി വധശിക്ഷ ഒഴിവാക്കാനുള്ള ചർച്ച ഇന്നലെ രാവിലെ പുനഃരാരംഭിച്ചു. യെമനിലെ സൂഫി പണ്ഡിതൻ ശൈഖ് ഹബീബ് ഉമർ ബിൻ ഹഫീളിനോട് വിഷയത്തിൽ ഇടപെടാൻ കാന്തപുരം അഭ്യർത്ഥിച്ചിരുന്നു. ശൈഖിന്റെ നിർദ്ദേശപ്രകാരം തലാലിന്റെ ബന്ധുവും ഹുദൈദ സ്റ്റേറ്റ് കോടതി ചീഫ് ജസ്റ്റിസും യമൻ ശൂറാ കൗൺസിൽ അംഗവുമായ വ്യക്തി തലാലിന്റെ നാടായ ദമാറിലെത്തി. തുടർന്നുള്ള കൂടിക്കാഴ്ചയിൽ വധശിക്ഷ മാറ്റിവയ്ക്കണമെന്ന കാന്തപുരത്തിന്റെ ആവശ്യം കുടുംബം അംഗീകരിച്ചു. ശിക്ഷ വിധിച്ച യമന്റെ അറ്റോണി ജനറലും തലാലിന്റെ കുടുംബവുമായി ചർച്ച നടത്തി. വിദേശകാര്യ മന്ത്രാലയ ഉദ്യോഗസ്ഥർ സനയിലെ ജയിൽ അധികൃതരുമായും പ്രോസിക്യൂട്ടറുടെ ഓഫീസുമായും നിരന്തരം ആശയവിനിമയം നടത്തി.

 ഇടപെട്ടത് മനുഷ്യനെന്ന നിലയിൽ

മനുഷ്യനെന്ന നിലയ്ക്ക് തനിക്ക് കഴിയുന്നതു മാത്രമാണ് ചെയ്തതെന്ന് കാന്തപുരം എ.പി അബൂബക്കർ മുസ്ലിയാർ പറഞ്ഞു. വധശിക്ഷ നീട്ടിവച്ചതിൽ സന്തോഷമുണ്ട്. മനുഷ്യനുവേണ്ടി ഇടപെടണമെന്നാണ് അവിടുത്തെ മതപണ്ഡിതരോട് ആവശ്യപ്പെട്ടത്. വിഷയത്തിൽ തുടർന്നും ഇടപെടും. ഇക്കാര്യം കേന്ദ്ര-സംസ്ഥാന സർക്കാരുകളെയും പ്രധാനമന്ത്രിയുടെ ഓഫീസിനെയും അറിയിച്ചിട്ടുണ്ട്. യെമൻ ജനതയ്ക്ക് സ്വീകാര്യരായ മുസ്ലിം പണ്ഡിതരെയാണ് താൻ ബന്ധപെട്ടത്. വിഷയത്തിൽ ഇടപെടണമെന്നാവശ്യപ്പെട്ട് ചാണ്ടി ഉമ്മൻ എം.എൽ.എ കഴിഞ്ഞ വെള്ളിയാഴ്ചയാണ് തന്നെ സമീപിച്ചിരുന്നു. ദയാധനത്തിന്റെ സമാഹരണവും ചാണ്ടിയുടെ നേതൃത്വത്തിലാണ് നടക്കുന്നതെന്നും കാന്തപുരം പറഞ്ഞു. മുഖ്യമന്ത്രി പിണറായി വിജയനും മന്ത്രിമാരും കാന്തപുരത്തെ അഭിനന്ദിച്ച് സന്ദേശമയച്ചിട്ടുണ്ട്.

നിമിഷപ്രിയയുടെ വധശിക്ഷ മാറ്റിവയ്‌ക്കൽ: നിർണായക ഇടപെടലുമായി കേന്ദ്രവും കാന്തപുരവും

ന്യൂഡൽഹി / കോഴിക്കോട്: മലയാളി നഴ്സ് നിമിഷപ്രിയയുടെ വധശിക്ഷ നീട്ടിവച്ചതിനു പിന്നിൽ കേന്ദ്ര സർക്കാരിന്റെയും കാന്തപുരം എ.പി. അബൂബക്കർ മുസ്ലിയാരിന്റെയും ഇടപെടൽ നിർണായകമായി. കഴിഞ്ഞദിവസം സുപ്രീംകോടതിയിലെ കേസിനു ശേഷവും വിദേശകാര്യ മന്ത്രാലയ ഉദ്യോഗസ്ഥർ സനയിലെ ജയിൽ അധികൃതരുമായും പ്രോസിക്യൂട്ടറുടെ ഓഫീസുമായും ആശയവിനിമയം നടത്തിയിരുന്നു. നിമിഷയുടെ കുടുംബത്തിന്, കൊല്ലപ്പെട്ട യെമൻ പൗരൻ തലാൽ അബ്ദുമഹ്ദിയുടെ കുടുംബവുമായി ചർച്ചയ്‌ക്ക് സമയം അനുവദിക്കണമെന്ന് നിരന്തരം അഭ്യർത്ഥിച്ചു.

ഹൂതികളുടെ നിയന്ത്രണത്തിലുള്ള സനയിലെ ജയിലിലായതിനാൽ നയതന്ത്ര തലത്തിലെ ഇടപെടലിന് കേന്ദ്രത്തിന് പരിമിതികളുണ്ടായിരുന്നു. സാദ്ധ്യമായതെല്ലാം ചെയ്യുന്നതിനിടെയാണ് ആശ്വാസ തീരുമാനമെത്തിയത്. വധശിക്ഷ നീട്ടിവച്ച് ഉത്തരവിറങ്ങിയ വിവരം യെമൻ അധികൃതർ ഇന്ത്യയെ അറിയിക്കുകയും ചെയ്‌തു. ഹൂതികളുമായി മികച്ച ബന്ധം പുലർത്തുന്ന ഇറാന്റെ ഇടപെടലും ഒരുഘട്ടത്തിൽ ഇന്ത്യ തേടിയെന്നാണ് അനൗദ്യോഗിക വിവരം. സുപ്രീംകോടതി വെള്ളിയാഴ്ച വിഷയം പരിഗണിക്കുമ്പോൾ വധശിക്ഷ നീട്ടിവച്ച കാര്യം അറ്റോർണി ജനറൽ ആർ. വെങ്കട്ടരമണി അറിയിക്കും.

 എത്ര പണം വേണമെങ്കിലും നൽകാമെന്ന് യൂസഫലി

ചാണ്ടി ഉമ്മൻ എം.എൽ.എയുടെ അഭ്യർത്ഥനയെ തുടർന്ന് ഗവർണർ വി.ആർ. ആർലേക്കർ വിദേശകാര്യമന്ത്രാലയവുമായി ബന്ധപ്പെട്ടിരുന്നു. പ്രവാസി വ്യവസായി എം.എ. യൂസഫലിയുമായും ഗവർണർ സംസാരിച്ചു. ദയാദനത്തിന് എത്ര പണം വേണമെങ്കിലും നൽകാമെന്ന് യൂസഫലി ഗവർണറെ അറിയിച്ചെന്നാണ് സൂചന. തലാലിന്റെ കുടുംബം നിശ്ചയിക്കുന്ന തുക നൽകിയാൽ വധശിക്ഷ ഒഴിവാക്കാം. മുഴുവൻ കുടുംബാംഗങ്ങളും സമ്മതിക്കാത്തതാണ് തീരുമാനം നീളാൻ കാരണമെന്നാണ് സൂചന.

നി​മി​ഷ​പ്രി​യ​യു​ടെ
ശി​ക്ഷ​ ​നീ​ട്ടി​വ​ച്ച​ത്
ആ​ശ്വാ​സ​ക​രം​:​ ​മു​ഖ്യ​മ​ന്ത്രി

തി​രു​വ​ന​ന്ത​പു​രം​:​ ​നി​മി​ഷ​ ​പ്രി​യ​യു​ടെ​ ​ശി​ക്ഷ​ ​ന​ട​പ്പാ​ക്കു​ന്ന​ത് ​നീ​ട്ടി​വ​ച്ച​ത് ​ആ​ശ്വാ​സ​ജ​ന​ക​വും​ ​പ്ര​തീ​ക്ഷാ​നി​ർ​ഭ​ര​വു​മാ​ണെ​ന്ന് ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​പ​റ​ഞ്ഞു.​ ​ ​ ​ഇ​ങ്ങ​നെ​ ​ഒ​രു​ ​തീ​രു​മാ​ന​ത്തി​ലേ​ക്ക് ​ന​യി​ച്ച​ത് ​കാ​ന്ത​പു​രം​ ​എ.​ ​പി​ ​അ​ബൂ​ബ​ക്ക​ർ​ ​മു​സ്ലി​യാ​രു​ടെ​ ​മു​ൻ​കൈ​യും​ ​ഇ​ട​പെ​ട​ലും​ ​ആ​ണ്.​ ​ കാ​ന്ത​പു​ര​ത്തെ​യും​ ​ ആ​ക്ഷ​ൻ​ ​കൗ​ൺ​സി​ൽ​ ​ഉ​ൾ​പ്പെ​ടെ​യു​ള്ള​ ​എ​ല്ലാ​വ​രെ​യും​ ​അ​ഭി​ന​ന്ദി​ക്കു​ന്നു.

നി​മി​ഷ​പ്രി​യ​യു​ടെ​ ​ മോ​ച​നം​ ​കേ​ര​ള​ത്തി​ന്റെ​ ​ആ​ഗ്ര​ഹം​ ​:​ ​
വി.​ഡി.​സ​തീ​ശൻ
​നി​മി​ഷ​ ​പ്രി​യ​യു​ടെ​ ​മോ​ച​നം​ ​കേ​ര​ളം​ ​ആ​ഗ്ര​ഹി​ക്കു​ന്ന​താ​ണെ​ന്നും​ ​അ​തി​ന് ​സാ​ദ്ധ്യ​മാ​യ​ ​എ​ല്ലാ​ ​വ​ഴി​യും​ ​തേ​ട​ണ​മെ​ന്നും​ ​പ്ര​തി​പ​ക്ഷ​ ​നേ​താ​വ് ​വി.​ഡി.​സ​തീ​ശ​ൻ.​ കാ​ന്ത​പു​ര​ത്തി​ന്റെ​ ​ നി​ർ​ദ്ദേ​ശ​ ​പ്ര​കാ​രം​ ​യെ​മ​നി​ലെ​ ​സൂ​ഫി​ ​പ​ണ്ഡി​ത​ൻ​ ​ഷേ​യ്ക്ക് ​ഹ​ബീ​ബ് ​ഉ​മ​ർ​ ​ബി​ൻ​ ​ഹാ​ഫി​സ് ​ന​ട​ത്തു​ന്ന​ ​ച​ർ​ച്ച​ക​ൾ​ ​അ​ന്തി​മ​ ​വി​ജ​യം​ ​കാ​ണു​മെ​ന്ന് ​പ്ര​തീ​ക്ഷി​ക്കാം.

കാ​ന്ത​പു​ര​ത്തി​ന് ​ കേ​ര​ള​ജ​ന​ത​യു​ടെ
​ ​ന​ന്ദി​:​ ​ചെ​ന്നി​ത്തല
നി​മി​ഷ​പ്രി​യ​യു​ടെ​ ​വ​ധ​ശി​ക്ഷ​ ​മ​ര​വി​പ്പി​ക്ക​ൽ​ ​സാ​ദ്ധ്യ​മാ​ക്കി​യ​ ​കാ​ന്ത​പു​രം​ ​എ​ ​പി.​ ​അ​ബൂ​ബ​ക്ക​ർ​ ​മു​സ്ലി​യാ​ർ​ക്ക് ​കേ​ര​ള​ ​ജ​ന​ത​യു​ടെ​ ​ന​ന്ദി​ ​രേ​ഖ​പ്പെ​ടു​ത്തു​ന്ന​താ​യി​ ​കോ​ൺ​ഗ്ര​സ് ​വ​ർ​ക്കിം​ഗ് ​ക​മ്മി​റ്റി​ ​അം​ഗം​ ​ര​മേ​ശ് ​ചെ​ന്നി​ത്ത​ല​ .​ ​ഇ​താ​ണ് ​കേ​ര​ള​ത്തി​ന്റെ​ ​മാ​തൃ​ക.​ ​മ​ത​ത്തി​നും​ ​മീ​തേ​ ​മ​നു​ഷ്യ​സ്‌​നേ​ഹ​ത്തി​ന്റെ​ ​ഉ​ദാ​ത്ത​മാ​യ​ ​മാ​തൃ​ക.

കേ​ന്ദ്ര​സ​ർ​ക്കാ​ർ​ ​ ഇ​ട​പെ​ട​ലു​ക​ൾ​ ​
തു​ട​രും:
രാ​ജീ​വ് ​ച​ന്ദ്ര​ശേ​ഖ​ർ
നി​മി​ഷ​ ​പ്രി​യ​യു​ടെ​ ​വ​ധ​ശി​ക്ഷ​ ​മാ​റ്റി​വെ​ച്ച​ ​സാ​ഹ​ച​ര്യ​ത്തി​ൽ​ ​കേ​ന്ദ്ര​സ​ർ​ക്കാ​ർ​ ​വേ​ണ്ട​ ​ഇ​ട​പെ​ട​ലു​ക​ൾ​ ​തു​ട​രു​മെ​ന്ന് ​അ​റി​യി​ച്ചതായി​ ബി.​ജെ​പി​ ​സം​സ്ഥാ​ന​ ​അ​ധ്യ​ക്ഷ​ൻ രാ​ജീ​വ് ​ച​ന്ദ്ര​ശേ​ഖ​ർ അറി​യി​ച്ചു.​ ​വി​ഷ​യ​ത്തി​ൽ​ ​മോ​ദി​ ​സ​ർ​ക്കാ​ർ​ ​എ​ടു​ക്കു​ന്ന​ ​ന​ട​പ​ടി​ക​ൾ​ ​ഏ​റെ​ ​ശ്ര​ദ്ധാ​പൂ​ർ​വ്വ​മാ​ണെന്നും അദ്ദേഹം പറഞ്ഞു.