നിക്ഷേപകർ പുതിയ മേഖലകളിലേക്ക് പണം മാറ്റുന്നു കൊച്ചി: പശ്ചിമേഷ്യയിൽ സമാധാനം പുലർന്നതും അമേരിക്കയിൽ പലിശ നിരക്ക് കുറയാനുള്ള സാദ്ധ്യതയും രാജ്യാന്തര വിപണിയിൽ സ്വർണ വില കുത്തനെ ഇടിക്കുന്നു. ഇന്നലെ സിംഗപ്പൂർ വിപണിയിൽ സ്വർണ വില ഔൺസിന് 50 ഡോളർ കുറഞ്ഞ് 3,270 ഡോളറിലെത്തി. രണ്ട് മാസത്തിനിടെയിലെ ഏറ്റവും കുറഞ്ഞ വിലയാണിത്. രാജ്യാന്തര വിപണിയുടെ ചുവടുപിടിച്ച് കേരളത്തിൽ സ്വർണ വില പവന് 440 രൂപ കുറഞ്ഞ് 71,440 രൂപയിലെത്തി. ഗ്രാമിന്റെ വില 55 രൂപ ഇടിഞ്ഞ് 8,930 രൂപയിലെത്തി. […]
ഇസ്ലാമാബാദ്: പാകിസ്താനിൽ സൈനിക വാഹന വ്യൂഹത്തിനുനേരെയുണ്ടായ ചാവേറാക്രമണത്തിൽ 16 സൈനികർക്ക് ദാരുണാന്ത്യം. പ്രദേശവാസികൾ അടക്കം 30ലധികം പേർക്ക് പരുക്കേറ്റു. പരിക്കേറ്ര നാല് സൈനികരുടെ നില ഗുരുതരമാണ്. വടക്കുപടിഞ്ഞാറൻ പാകിസ്ഥാനിലെ ഖൈബർ പക്തൂൺഖ്വയിൽ പ്രവിശ്യയിലെ വടക്കൻ വസീറിസ്താൻ ജില്ലയിലാണ് സംഭവം. സ്ഫോടക വസ്തു നിറച്ച വാഹനം സൈനിക വാഹന വ്യൂഹത്തിലേയ്ക്ക് ഇടിച്ച് കയറ്റുകയായിരുന്നു. പരുക്കേറ്റവരിൽ ആറ് പേർ കുട്ടികളാണ്. ആക്രമണത്തിന്റെ ഉത്തരവാദിത്തം താലിബാന്റെ ഒരു വിഭാഗമായ ഹാഫിസ് ഗുൽ ബഹാദൂർ സായുധ സംഘം ഏറ്റെടുത്തു. എന്നാൽ മേഖലയിൽ തെഹ്രീക്-ഇ-താലിബാൻ
തിരുവനന്തപുരം : പേവിഷബാധയ്ക്കെതിരെ ആരോഗ്യ വകുപ്പ് വിദ്യാഭ്യാസ വകുപ്പുമായി സഹകരിച്ച് ബോധവത്ക്കരണ പരിപാടി സംഘടിപ്പിക്കുന്നു. നാളെ സംസ്ഥാനത്തെ എല്ലാ സർക്കാർ, എയ്ഡഡ് സ്കൂളുകളിലും പേവിഷബാധയ്ക്കെതിരെ അസംബ്ലിയിൽ അവബോധം നൽകും. ആരോഗ്യ പ്രവർത്തകർ നേതൃത്വം നൽകും. സ്കൂൾ അസംബ്ലിയിൽ ഡോക്ടർമാരോ ആരോഗ്യ പ്രവർത്തകരോ പങ്കെടുക്കും. ജില്ലകളിൽ ഒരു പ്രധാന സ്കൂളിൽ ജില്ലാ കളക്ടർ, ജനപ്രതിനിധികൾ, ആരോഗ്യ,വിദ്യാഭ്യാസ വകുപ്പ് ജില്ലാതല ഉദ്യോഗസ്ഥർ എന്നിവരുടെ സാന്നിധ്യത്തിൽ ജില്ലാതല പരിപാടിയും സംഘടിപ്പിക്കും. മൃഗങ്ങളുടെ കടിയേറ്റാൽ പ്രഥമ ശുശ്രൂഷയും വാക്സിനും വളരെ പ്രധാനമാണ്. കടിയേറ്റാൽ
രാജ്യത്ത് പ്രതിവർഷം 5 ലക്ഷത്തിലധികം ബിടെക് ബിരുദധാരികളാണ് പഠിച്ചിറങ്ങുന്നത്. പ്ലസ് ടു സയൻസ് പൂർത്തിയാക്കിയ വിദ്യാർത്ഥികൾ തിരഞ്ഞെടുക്കുന്ന പ്രധാനപ്പെട്ട കോഴ്സ് എൻജിനിയറിംഗ് തന്നെയാണ്. എൻജിനിയറിംഗ് ബ്രാഞ്ചുകൾ തിരഞ്ഞെടുക്കുമ്പോൾ നിരവധി കാര്യങ്ങൾ ശ്രദ്ധിക്കണം. എൻജിനിയറിംഗ് തൊഴിൽ മേഖലയിൽ മാറ്റങ്ങളുടെ കാലമാണിപ്പോൾ. ഈ മാറ്റങ്ങൾക്കുതകുന്ന ബ്രാഞ്ച് തിരഞ്ഞെടുക്കാൻ ശ്രദ്ധിക്കണം. കോർ മേഖലയിലോ സേവനമേഖലയിലോ പ്രവർത്തിക്കാൻ താല്പര്യമെങ്കിൽ അതിനുതകുന്ന ബ്രാഞ്ച് എടുക്കണം. പ്ലസ് ടു ബോർഡ് പരീക്ഷ കഴിയുന്നതോടുകൂടി നിരവധി പ്രവേശന പരീക്ഷകളാണ് വിദ്യാർത്ഥികളെ കാത്തിരിക്കുന്നത്. ജെ.ഇ.ഇ മെയിൻ, ജെ.ഇ.ഇ അഡ്വാൻസ്ഡ്,
കോഴിക്കാട് : വിദ്യാർത്ഥി പ്രസ്ഥാന കാലത്തെ ഓർമ്മകളും അടിയന്തരാവസ്ഥ നാളുകളിലെ പോരാട്ടങ്ങളും പങ്കുവച്ച് മുതിർന്ന സി.പി.എം നേതാക്കൾ. എസ്.എഫ്.ഐ അഖിലേന്ത്യാ സമ്മേളനത്തിന്റെ ഭാഗമായി സംഘടിപ്പിച്ച മുൻകാല വിദ്യാർത്ഥി നേതാക്കളുടെ സംഗമം പുതുതലമുറ നേതാക്കൾക്ക് അനുഭവങ്ങളുടെ അദ്ധ്യായം പകർന്നു. എസ്.എഫ്.ഐ സ്ഥാപക ജനറൽ സെക്രട്ടറി ബിമൻ ബസു, മുൻ അഖിലേന്ത്യാ നേതാക്കളായ എം.എ. ബേബി, പ്രകാശ് കാരാട്ട്, എ.വിജയരാഘവൻ, നീലോത്പൽ ബസു, വെെ.വി റാവു, പി.കൃഷ്ണപ്രസാദ്, കെ.എൻ. ബാലഗോപാൽ, കെ.കെ. രാഗേഷ്, പി.കെ. ബിജു, ആർ. അരുൺകുമാർ, വിക്രം
തിരുവനന്തപുരം: മെഡിക്കൽ കോളേജ് ആശുപത്രിയിൽ ജനങ്ങൾ അനുഭവിക്കുന്ന ദുരിതത്തിനെതിരെ യൂറോളജി വിഭാഗം മേധാവി ഡോ.ഹാരിസ് നടത്തിയ തുറന്നടിക്കൽ ആരോഗ്യവകുപ്പിൽ സർജിക്കൽ സ്ട്രൈക്കായി. ‘എന്നെ പിരിച്ചുവിട്ടോട്ടെ, ഈ സർവീസ് മടുത്തു.’ അദ്ദേഹം ഫേസ്ബുക്കിൽ കുറിച്ചു. ഉപകരണങ്ങളില്ലാത്തതിനാൽ തിരുവനന്തപുരം മെഡിക്കൽ കോളേജ് ആശുപത്രിയിൽ തുടർച്ചയായി ശസ്ത്രക്രിയകൾ മുടങ്ങിയതോടെയാണ് ജനകീയ ഡോക്ടറുടെ പ്രതികരണം. ചികിത്സയ്ക്കായി മാസങ്ങളോളം കാത്തിരിക്കുന്നവരോട് ഡോക്ടർമാർ കൈമലർത്തുന്നു. എന്തുചെയ്യണമെന്നറിയാതെ പാവപ്പെട്ട രോഗികളും ബന്ധുക്കളും. സ്ഥിതി രൂക്ഷമായതോടെയാണ് ഡോ.ഹാരിസ് ചിറയ്ക്കൽ വൈകാരികമായി പ്രതികരിച്ചത്. ‘രാഷ്ട്രീയക്കാരോടും ഉദ്യോഗസ്ഥരോടും അപേക്ഷിച്ചു മടുത്തു. ഓഫീസുകൾ
തിരുവനന്തപുരം: ഹോ… എത്ര സുന്ദരം, ഇവിടുന്ന് നോക്കുമ്പോൾ ഇന്ത്യ. സ്പേസ് സ്റ്റേഷനിലിരുന്ന് ശുഭാംശു ശുക്ള പ്രാധനമന്ത്രി നരേന്ദ്ര മോദിയോട് പറഞ്ഞു. 140 കോടി ജനങ്ങളുടെ അഭിമാനവും ആവേശവുമാണ് താങ്കൾ. ബഹിരാകാശത്തിൽ ദേശീയപതാക പാറിച്ചതിൽ അഭിനന്ദനങ്ങൾ – മോദി മറുപടി നൽകി. ബഹിരാകാശ നിലയത്തിലെത്തിയതിന്റെ രണ്ടാംനാൾ പ്രധാനമന്ത്രിയുമായി വീഡിയോ സ്ട്രീമിംഗിൽ സംസാരിക്കുകയായിരുന്നു ശുഭാംശു. ഇപ്പോൾ പുറത്തേക്ക് നോക്കുമ്പോൾ ഞങ്ങൾ ഹവായിയുടെ മുകളിലാണ്. അതിർത്തികളില്ല, രാജ്യങ്ങളില്ല, ഭൂമി ഒന്നാണെന്ന് തോന്നും. അങ്ങയുടെ നേതൃത്വത്തിൽ രാജ്യത്തിന് പ്രതീക്ഷകൾ നിറവേറ്റാൻ നിരവധി അവസരം
തൃശൂർ: കൂലിത്തല്ലു സംഘത്തിൽപ്പെട്ട യുവാവിന്റെ ജന്മദിനാഘോഷത്തിനിടെ ഉണ്ടായ ചേരിത്തല്ല് നിയന്ത്രിക്കാനെത്തിയ പൊലീസുകാരെ ഗൂണ്ടാസംഘം മാരകമായി ആക്രമിച്ചു. അഞ്ചു പൊലീസുകാർക്ക് പരിക്കേറ്റു. മൂന്നു പൊലീസ് ജീപ്പുകൾ ഗുണ്ടാസംഘം തകർത്തു. ആറു ഗുണ്ടകളെ പൊലീസ് സാഹസികമായി കീഴടക്കി അറസ്റ്റ് ചെയ്തു. തൃശൂർ നഗരത്തിനടുത്ത് നല്ലെങ്കരയിൽ ഇന്നലെ പുലർച്ചെ 2.30തോടെയായിരുന്നു ഗുണ്ടകളുടെ വിളയാട്ടം. രണ്ടു മണിക്കൂറോളം ആക്രമണം തുടർന്നു. ഒൻപത് ഗുണ്ടകൾക്കായി തെരച്ചിൽ തുടരുന്നു. ഗുണ്ടാസംഘാംഗത്തിൽപ്പെട്ട കാട്ടുപറമ്പിൽ അൽ അഹദിലിന്റെ ജന്മദിന പാർട്ടിക്കാണ് കൂലിത്തല്ലുസംഘം ഒത്തുചേർന്നത്. ഇയാളുടെ വീടിനടുത്തുള്ള ഒഴിഞ്ഞ വീട്ടിലും
കൊച്ചി: കാലവർഷം കേരളതീരം തൊട്ടിട്ട് ഒരുമാസം പിന്നിടുമ്പോൾ, സംസ്ഥാനത്ത് ലഭിച്ചത് 53 ശതമാനം അധികമഴ. സംസ്ഥാന ഇറിഗേഷൻ വകുപ്പിന്റെ മേയ് 24 മുതൽ ജൂൺ 24 വരെയുള്ള കണക്കാണിത്. അതേസമയം, കേന്ദ്ര കാലാവസ്ഥ വകുപ്പിന്റെ കണക്കിൽ അധികമഴ ഒരു ശതമാനം മാത്രമാണ്. ജൂൺ ഒന്നു മുതൽ 27 വരെയുള്ള കാലയളവ് കണക്കിലെടുത്താണിത്. കാലവർഷം നേരത്തെ എത്തിയെങ്കിലും ജൂൺ ഒന്ന് മുതലുള്ള പെയ്ത്തേ കേന്ദ്ര കാലാവസ്ഥ വകുപ്പ് മൺസൂണായി രേഖപ്പെടുത്തുകയുള്ളൂ. ഇതിന് മുമ്പ് ലഭിച്ചത് വേനൽ മഴയുടെ
തിരുവനന്തുപുരം: ഹയർ സെക്കൻഡറി (വൊക്കേഷണൽ) മുഖ്യ അലോട്ട്മെന്റിൽ ലഭിക്കാതിരുന്നവർക്കും ഇതുവരെയും അപേക്ഷ നൽകാൻ കഴിയാതിരുന്നവർക്കും സപ്ലിമെന്ററി അലോട്ട്മെന്റിന് ജൂൺ 30ന് വൈകിട്ട് 4 വരെ അപേക്ഷിക്കാം. മുഖ്യഘട്ടത്തിൽ അലോട്ട്മെന്റ് ലഭിച്ചിട്ട് പ്രവേശനത്തിന് ഹാജരാകാത്തവർക്കും വീണ്ടും അപേക്ഷിക്കാം. തെറ്റായ വിവരങ്ങൾ അപേക്ഷയിൽ ഉൾപ്പെട്ടതിനാൽ അലോട്ട്മെന്റ് ലഭിച്ചിട്ടും പ്രവേശനം നിരാകരിക്കപ്പെട്ടവർക്കും സപ്ലിമെന്ററി അലോട്ട്മെന്റിന് അപേക്ഷ പുതുക്കുന്നതിനുള്ള സൗകര്യമുണ്ട്. ഹയർസെക്കൻഡറി തലത്തിലെ എൻ.എസ്.ക്യു.എഫ് അധിഷ്ഠിതമായ 43 കോഴ്സുകളിലേക്കാണ് പ്രവേശനം നടക്കുന്നത്. അപേക്ഷ നൽകുന്നതിന് പത്താംതരം പഠിച്ച സ്കൂളിലെയോ, തൊട്ടടുത്ത സർക്കാർ/ എയ്ഡഡ്
