Author name: Rajesh R

ദോഹ: ഖത്തറിന്റെ തലസ്ഥാനമായ ദോഹയിലെ ഹമാസ് ആസ്ഥാനത്തിനു നേരെ ഇസ്രയേലിന്റെ അപ്രതീക്ഷിത വ്യോമാക്രമണം. ആറ് പേർ കൊല്ലപ്പെട്ടു. ഹമാസിനെ നിയന്ത്രിക്കുന്ന ഉന്നത നേതാക്കൾ യോഗം ചേർന്ന കെട്ടിടം തകർന്നു. ഹമാസിന്റെ ആക്ടിംഗ് മേധാവികളിൽ ഒരാളും പൊളിറ്റിക്കൽ ബ്യൂറോ ഉപതലവനുമായ ഖാലിൽ ഹയ്യ അടക്കം ഉന്നതരെ ലക്ഷ്യമിട്ടായിരുന്നു ആക്രമണം. മലയാളികൾ ഉൾപ്പെടെയുള്ള ഇന്ത്യക്കാർ ധാരാളമുള്ള പ്രദേശമാണിത്. ഖത്തറിൽ ഇസ്രയേൽ ആക്രമണം ആദ്യമാണ്. ഹയ്യയുടെ മകൻ ഹിമാമും ഹയ്യയുടെ ഓഫീസിന്റെ ഡയറക്ടർ ജിഹാദ് ലബാദും ഉൾപ്പെടെ 5 ഹമാസ് അംഗങ്ങളും […]

കോട്ടയം : നാളികേര കൃഷി പ്രോത്സാഹിപ്പിക്കാൻ കേന്ദ്ര – സംസ്ഥാന സർക്കാരുകൾ വിവിധ പദ്ധതികൾ നടപ്പാക്കുമ്പോഴും നാടൻതേങ്ങയുടെ പ്രതാപം വിപണിയിലും അസ്തമിക്കുകയാണ്. ഇവിടെ ഉത്പാദനം കുറഞ്ഞതാണ് വരവുതേങ്ങ കൂടുതലായി വിപണിയിലെത്താൻ കാരണം. ഒരു കിലോ തേങ്ങയ്ക്ക് 80 – 85 വരെയാണ് വില. കർഷകർക്ക് ലഭിക്കുന്നതാകട്ടെ 40 രൂപയും. പാലക്കാടൻ തേങ്ങയും വിപണിയിലുണ്ടെങ്കിലും കൂടുതൽ എത്തുന്നത് തമിഴ്‌നാട്ടിൽ നിന്നാണ്. നാടൻ തെങ്ങുകളും കേരളത്തിൽ ഇപ്പോൾ കുറവാണ്. കൂടുതലും സങ്കരയിനം തെങ്ങിൻതൈകളാണ് കർഷകർ വയ്ക്കുന്നത്. കാലാവസ്ഥ വ്യതിയാനവും നാളികേര

ആലപ്പുഴ : അങ്കണവാടിയിൽ ഉപ്പുമാവ് മാറ്റി ‘ബിർണാണി” ചോദിച്ച ശങ്കുവിന്റെ ആഗ്രഹം സഫലമായി. കേന്ദ്ര വനിത-ശിശുവികസന മന്ത്രാലയത്തിന്റെ നിർദ്ദേശപ്രകാരം കുട്ടികൾക്കാവശ്യമായ ഊർജ്ജവും മാംസ്യവും കണക്കാക്കിയുള്ള പുതുക്കിയ മെനു അങ്കണവാടികളിൽ ഇന്നലെ മുതൽ നടപ്പാക്കിത്തുടങ്ങി. ദേവികുളങ്ങര പഞ്ചായത്തിലെ ഒന്നാംനമ്പർ അങ്കണവാടിയിലെ വിദ്യാർത്ഥിയായിരുന്ന ദേവികുളങ്ങര പ്രയാർ വടക്ക് പുന്നക്കുഴിയിൽ ശങ്കു എന്ന ത്രിജൽ എസ്. സുന്ദറിന്റെ ആഗ്രഹമാണ് അങ്കണവാടികളിലെ മെനു പരിഷ്ക്കരണത്തിലേക്ക് നയിച്ചത്. കായംകുളം കരുണ വിദ്യാക്ഷേത്ര ഇന്റർനാഷണൽ സ്കൂളിൽ എൽ.കെ.ജി വിദ്യാർത്ഥിയാണിപ്പോൾ ശങ്കു. എന്നാലും അടുത്ത സ്കൂൾ അവധിദിനത്തിൽ

പ്രവർത്തനം നെടുങ്ങോലം താലൂക്ക് ഓഫീസ് കെട്ടിടത്തിൽ കൊല്ലം: പലവി​ധ പീഡനങ്ങൾക്ക് ഇരയാവുന്ന സ്ത്രീകൾക്കും കുട്ടികൾക്കും ആശ്വാസമേകി നെടുങ്ങോലം താലൂക്ക് ഓഫീസ് കെട്ടിടത്തിൽ പ്രവർത്തിക്കുന്ന സഖി വൺ സ്​റ്റോപ്പ് സെന്റർ. പൊലീസിന്റെയും ബന്ധപ്പെട്ട ഉദ്യോഗസ്ഥരുടെയും അടിയന്തര ഇടപെടൽ, താത്കാലിക അഭയം, വൈദ്യസഹായം, കൗൺസലിംഗ് തുടങ്ങിയ സേവനങ്ങളാണ് ലഭിക്കുന്നത്. അതിക്രമങ്ങൾ അനുഭവിക്കുന്ന സ്ത്രീകൾക്കും കുട്ടികൾക്കും 9 വയസിനു താഴെയുള്ള ആൺകുട്ടികൾക്കും സേവനങ്ങൾക്കായി കേന്ദ്രത്തെ സമീപിക്കാം. 24 മണിക്കൂറും പ്രവർത്തിക്കുന്ന സെന്ററിൽ അഡ്മിനിസ്ട്രേറ്റർ, ലീഗൽ കൗൺസിലർ, കൗൺസിലർ, കേസ് വർക്കേഴ്സ് ,സെക്യൂരിറ്റി

ഏഷ്യാകപ്പിൽ ഇന്ത്യ ഇന്ന് ആദ്യ മത്സരത്തിന്, എതിരാളികൾ യു.എ.ഇ സഞ്ജു സാംസൺ പ്ളേയിംഗ് ഇലവനിൽ ഉണ്ടാകുമോ എന്ന് ആകാംക്ഷ ഇന്ത്യ Vsയു.എ.ഇ 8 pm മുതൽ സോണി ടെൻ സ്പോർട്സിലും സോണി ലിവിലും ലൈവ് ദുബായ് : ഏഷ്യാകപ്പ് ക്രിക്കറ്റ് ടൂർണമെന്റിലെ ആദ്യ മത്സരത്തിനായി ഇന്ത്യ ഇന്നിറങ്ങുമ്പോൾ എല്ലാ ചർച്ചകളും സഞ്ജു സാംസണിനെക്കുറിച്ചാണ്. യു.എ.ഇക്കെതിരെ സഞ്ജു സാംസൺ പ്ളേയിംഗ് ഇലവനിലുണ്ടാകുമോ എന്നതാണ് ചോദ്യം. ഇന്നലെ ക്യാപ്ടന്മാരുടെ പ്രസ് മീറ്റിൽ ഇന്ത്യൻ നായകൻ സൂര്യകുമാർ യാദവ് ഈ ചോദ്യത്തിന്

ഇന്ത്യൻ കുടുംബങ്ങളിലുള്ളത് 25,000 ടൺ സ്വർണം കൊച്ചി: ചരിത്രത്തിലാദ്യമായി വില ഗ്രാമിന് 10,000 രൂപ കവിഞ്ഞതോടെ ഇന്ത്യക്കാരുടെ കൈവശമുള്ള സ്വർണത്തിന്റെ മൂല്യം 250 ലക്ഷം കോടിക്ക് മുകളിലെത്തി. ഇന്ത്യൻ കുടുംബങ്ങൾ, അതിസമ്പന്നർ, ക്ഷേത്രങ്ങൾ എന്നിവയുടെ കൈവശം 25,000 ടൺ സ്വർണ ശേഖരമുണ്ടെന്നാണ് അനൗദ്യോഗിക കണക്കുകൾ. നിലവിലെ വിലയനുസരിച്ച് ഒരു കിലോ സ്വർണത്തിന് ഒരു കോടി രൂപയാണ് വില. കഴിഞ്ഞ 25 വർഷങ്ങളിൽ പ്രതിവർഷം ശരാശരി 700 ടൺ സ്വർണം വീതം മൊത്തം 17,500 ടണ്ണാണ് ഇന്ത്യ ഔദ്യോഗികമായി

ആലപ്പുഴ : 25-ാം പാർട്ടി കോൺഗ്രസിന് മുന്നോടിയായുള്ള സി.പി. ഐ സംസ്ഥാന സമ്മേളനത്തിലെ പ്രതിനിധി സമ്മേളനത്തിന് ഇന്ന് ആലപ്പുഴയിൽ തുടക്കമാകും. കാനം രാജേന്ദ്രൻ നഗറിൽ (കളർകോട് എസ് കെ കൺവെൻഷൻ സെന്റർ) രാവിലെ 10.30 ന് ജനറൽ സെക്രട്ടറി ഡി.രാജ ഉദ്ഘാടനം ചെയ്യും. സമ്മേളന നഗറിൽ സ്ഥാപിക്കുന്നതിനുള്ള ദീപശിഖ ഇന്നലെ വയലാർ രക്തസാക്ഷി മണ്ഡപത്തിൽ നിന്ന് പുറപ്പെട്ട് വലിയ ചുടുകാട് രക്തസാക്ഷി മണ്ഡപത്തിൽ എത്തിച്ചേർന്നു. ഇന്ന് രാവിലെ 10 ന് സംസ്ഥാന സെക്രട്ടറി ബിനോയ് വിശ്വം ദീപശിഖ

കൊച്ചി: മന്ത്രിസഭയിലെ ആശയക്കുഴപ്പം കാരണം മാറ്റിവച്ച മന്ത്രവാദ, ആഭിചാര നിരോധനബില്ലിന് (2022) പകരം അന്ധവിശ്വാസവിരുദ്ധ നിയമ നിർമ്മാണത്തിന് സർക്കാർ ഒരുങ്ങുന്നു. കേരള യുക്തിവാദി സംഘത്തിന്റെ ഹർജിയിൽ ചീഫ് സെക്രട്ടറി ഡോ. എ. ജയതിലക് ഹൈക്കോടതിയിൽ സമർപ്പിച്ച സത്യവാങ്മൂലത്തിൽ ഇക്കാര്യം വ്യക്തമാക്കി. കർണാടകയിലും മഹാരാഷ്ട്രയിലും നിലവിലുള്ള നിയമത്തിന്റെ മാതൃകയാവും സ്വീകരിക്കുക. നിയമനിർമ്മാണത്തിന് നാലാഴ്ചയ്ക്കകം പ്രാരംഭ നടപടികളെടുക്കാൻ ചീഫ് ജസ്റ്റിസ് നിതിൻ ജാംദാർ, ജസ്റ്റിസ് ബസന്ത് ബാലാജി എന്നിവരുൾപ്പെട്ട ഡിവിഷൻബെഞ്ച് സർക്കാരിനോട് നിർദ്ദേശിച്ചു. ഒക്ടോബർ 7ന് ഹർജി വീണ്ടും പരിഗണിക്കും.

ആലപ്പുഴ: ട്രെയിനിൽ സീറ്റ് നൽകിയ സഹയാത്രികയോട് തോന്നിയ പ്രണയം പൂവണിഞ്ഞത് സി.പി.ഐ സംസ്ഥാന സമ്മേളനത്തിലെ നാടകവേദിയിൽ. മൂവാറ്റുപുഴ സ്വദേശി പ്രശാന്ത് തൃക്കളത്തൂരും (40) കൊല്ലം സ്വദേശിനി ചിഞ്ചുവും (33) പരിചയപ്പെട്ടത് ഒന്നരവർഷം മുമ്പ്. അന്നു മൊട്ടിട്ട പ്രണയമാണ് പൂവണിഞ്ഞത്. പ്രൊഫഷണൽ നാടക നടനാണ് പ്രശാന്ത്. കൊല്ലം സ്വദേശിയായ ചിഞ്ചു നഴ്സാണ്. ഒന്നര വർഷംമുമ്പ് തിരുവനന്തപുരത്തുള്ള സുഹൃത്തിന്റെ വിവാഹത്തിനായി എറണാകുളത്തു നിന്ന് ട്രെയിനിൽ കയറിയതായിരുന്നു പ്രശാന്ത്. ഇരിക്കാൻ ചിഞ്ചു സീറ്റ് നൽകി. യാത്രയിൽ ഇരുവരും പരിചയപ്പെട്ടു. കൊല്ലം അടുക്കാറായപ്പോൾ

തിരുവനന്തപുരം: പ്രതിമാസം 250 യൂണിറ്റിൽ കൂടുതൽ വൈദ്യുതി ഉപയോഗിക്കുന്ന ഏഴ് ലക്ഷത്തോളം ഗാർഹിക ഉപഭോക്താക്കൾക്ക് കെ.എസ്.ഇ.ബിയുടെ ഇരുട്ടടി. വേനൽക്കാലത്തേക്കെന്നു പറഞ്ഞ് ഏപ്രിൽ, മേയ് മാസങ്ങളിൽ ഈടാക്കിയ 25% രാത്രികാല അധിക നിരക്ക് വർഷം മുഴുവൻ പിരിക്കാനാണ് തീരുമാനം. ഇതുമൂലം കഴിഞ്ഞ മാസങ്ങളിലും താങ്ങാനാവാത്ത വൈദ്യുതി ബില്ലാണ് ഉപഭോക്താക്കൾക്ക് വന്നത്. യൂണിറ്രിന് ശരാശരി 8.39 രൂപയാണ് രാത്രി പീക്ക് അവറിൽ ഇപ്പോൾ ഈടാക്കുന്നത്. സാധാരണ നിരക്ക് യൂണിറ്റിന് 6.90 രൂപയാണ്. ഈ പരിധിയിൽ പെടുന്നവർക്ക് പകൽ സമയം 10%